2015, ജൂൺ 27, ശനിയാഴ്ച
charithram
സ്കൂൾ നടത്തിപ്പ് ലാഭകരമല്ലാത്ത 1916 ലാണു കംപ്യ വീട്ടിഗോവിന്ദൻ നായർ എന്ന ഗോപി നായർ മണ്ടൂർ എലിമെൻററി സ്കൂൾ സ്ഥാപിച്ചത്.ഓലയും,പുല്ലും മേഞ്ഞ 3 മുറി കെട്ടിടമായിരുന്നു ആദ്യം.കുപ്പാടക്കൻ കിട്ടൻ മാഷായിരുന്നു ആദ്യത്തെ ഹെഡ്മാസ്റ്റർ.അന്നത്തെ പോസ്റ്റ് മാസ്റ്ററും അദ്ദേഹമായിരുന്നു.കെ.വി.നാരായണൻ മാസ്റ്റർ,രാമൻ മാഷ്,തലക്കോടത്ത് കുഞ്ഞിരാമൻ മാഷ്,തുടങ്ങിയവരായിരുന്നു ആദ്യകാല ഗുരുനാഥന്മാർ.ഡെപ്യൂട്ടി ഇൻസ്പെക്ടർ പോത്തൻ സായ് വ് വരുന്ന ദിവസം ഹാജരുള്ള കുട്ടികളുടെ തലയെണ്ണിയാണ് സ്കൂളിനുള്ള ഗ്രാൻറ് നല്കുക.കുറ്റിപ്പുറത്ത് കേശവൻ നായരുടെ വിദ്യാവിനോദിനിയും,മണിപ്രവാളം ഓരോ സർഗവുമാണ് പഠനവിഷയം.ആൺകുട്ടികൾക്ക് കോണകവും,പെൺകുട്ടികൾക്ക് തോർത്ത് മുണ്ടുമാണ് വേഷം.രാവിലെ കുളുത്ത് കുടിച്ചാണ് കുട്ടികൾ വരുന്നത്..വൈകുന്നേരം നിഴൽ നോക്കിയാണ് സ്കൂൾ വിട്ടിരുന്നത്.അതേ കോമ്പൗണടിൽ അറുമാടി കുഞ്ഞമ്പുവിൻറെ ചായക്കട,മറ്റ്1,2 ചെറിയകടകൾ,കച്ചേരി പറമ്പിലൊരു കച്ചേരിയും(വില്ലേജ് ആപ്പീസ്). മുന്നിലൊരു മൺപാത, പട്ടാളക്കാരുടെ കുതിരവണ്ടി,പിന്നീട് ഗോപിനായരുടെ സഹോദരീഭർത്താവിൻറെ വക പഴയങ്ങാടി-നരീക്കാംവള്ളി ഒരു ബസ്സും.1957 ൽ എ.കെ.ജി,കെ.പി.ആർ എന്നിവർ മണ്ടൂരിലെത്തിയപ്പോൾസ്കൂൾകുട്ടികളും,അധ്യാപകരും ഓട്ടമുക്കാലിൻറെ മാലയിട്ട് സ്വീകരിച്ചിരുന്നു. സി.കെ. കുഞ്ഞിരാമൻ നായർ, സി.എച്ച്.കേളപ്പൻനമ്പ്യാർ ,സി.എച്ച്.ഗോവിന്ദൻനമ്പ്യാർ ,കോളിയാടൻ കൃഷ്ണൻ മാസ്റ്റർ,കടയപ്രത്ത് സുകുമാരൻ മാഷ്,കെ.ഗോപാലൻ മാഷ്.സി.എച്ച്.നാരായണൻനമ്പ്യാർ തുടങ്ങിയ പ്രഗത്ഭമതികളായിരുന്നു അധ്യാപകർ.സി.യം.ശങ്കരൻ നമ്പ്യാർ,പി.വി.ശങ്കരൻ നായർ,കെ.പി.പത്മനാഭൻ നമ്പ്യാർ,പി.പി.നാരായണൻ മാസ്റ്റർ,ടി.ആർ.കേരളവർമ്മ തമ്പുരാൻ,ഇ.എൻ മഹമൂദ് മാസ്റ്റർ,വി.വി.ശ്രീധരൻ നമ്പ്യാർ,കെ.ദാമോദരൻ മാസ്റ്റർ,സി.കേശവൻ മാസ്റ്റർ തുടങ്ങിയവരും ഇവിടെ നിന്ന് പിരിഞ്ഞുപോയ അധ്യാപകരാണ്.
ഇന്ന് ഓ.സി.സരസ്വതി അന്തര്ജനം മാനേജർ, .
സ്കൂൾ ഫോൺ നമ്പർ-04972800170
സ്കൂൾ ഇമെയിൽ-calpsmandoor@gmail.com
2015, ജൂൺ 26, വെള്ളിയാഴ്ച
വായനാവാരം സമാപനവും ,ലഹരി വിരുദ്ധദിനാചരണവും
വായനാവാരം സമാപനവും ,ലഹരി വിരുദ്ധദിനാചരണവും
വായനാവാരം സമാപനവും ,ലഹരി വിരുദ്ധദിനാചരണവും , 26.6.2015 നു ശ്രി ,എ.വി.ബാബു മാസ്റ്ററുടെ നേതൃത്വത്തിൽ നടത്തി .മയാജാലത്തിലൂടെയും ,കഥകളിലൂടെയും.പാട്ടുകളിലൂടെയും വായനയുടെ പ്രസക്തി യും ,ലഹരി ഉപയോഗത്തിന്റെ ദോഷങ്ങളും കുട്ടികളിലെത്തിക്കാൻ ബാബു മണ്ടുരിന്റെ ക്ലാസിനു സാധിച്ചു .ലഹരി വിരുദ്ധ പ്രതിജ്ഞ കുട്ടികൾ ഏ റ്റു ചൊല്ലി .പത്ര പ്രശ നോത്തരിയിൽ പുണ്യ ,വിസ്മയ എന്നിവർ വിജയിച്ചു .
2015, ജൂൺ 25, വ്യാഴാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)
പുതിയ കെട്ടിടം
ചെറുതാഴം.എ.എല്.പി.സ്കൂള് പുതിയ കെട്ടിടം ഉദ്ഘാടനം